Chemotherapyയ്ക്ക് പകരമാകുമോ? Cancer കോശങ്ങളിൽ മാത്രം സജീവമാകുന്ന RK-251

Chemotherapyയ്ക്ക് പകരമാകുമോ? Cancer കോശങ്ങളിൽ മാത്രം സജീവമാകുന്ന RK-251

ക്യാൻസർ ചികിത്സയിൽ ഏറ്റവും വലിയ വെല്ലുവിളികളിലൊന്ന് രോഗബാധിത കോശങ്ങളെ ലക്ഷ്യമിടുന്നതിനൊപ്പം ആരോഗ്യകരമായ കോശങ്ങൾക്കുണ്ടാകുന്ന നാശമാണ്. ഈ പ്രശ്നത്തിന് ഒരു പുതിയ വഴിയൊരുക്കാനുള്ള ശ്രമത്തിലാണ് ഇന്ത്യയിലെ ശാസ്ത്രജ്ഞർ. ക്യാൻസർ കോശങ്ങൾക്കുള്ളിലെ പ്രത്യേക സാഹചര്യത്തിൽ സജീവമാകുന്ന രീതിയിൽ രൂപകൽപ്പന ചെയ്ത “smart” cancer drug ആയ RK-251 ആണ് ഗവേഷകർ വികസിപ്പിച്ചത്.

Department of Science & Technology, Government of Indiaയുടെ കീഴിലുള്ള Autonomous Institute ആയ Institute of Advanced Study in Science and Technology (IASST)-ലെ Dr. Asis Balaയും Indian Institute of Technology-Guwahati-യിലെ Dr. K.P. Bhabakയും നേതൃത്വം നൽകിയ സംയുക്ത ഗവേഷണത്തിലാണ് RK-251 എന്ന ‘smart’ cancer drug വികസിപ്പിച്ചത്

RK-251-ന്റെ പ്രധാന പ്രത്യേകത അതിന്റെ activation രീതിയാണ്. ക്യാൻസർ കോശങ്ങളിൽ reactive oxygen species (ROS) എന്നറിയപ്പെടുന്ന ഹാനികരമായ തന്മാത്രകൾ സാധാരണയേക്കാൾ ഉയർന്ന അളവിൽ കാണപ്പെടുന്നു. RK-251 ഒരു ക്യാൻസർ കോശത്തിനുള്ളിൽ പ്രവേശിക്കുമ്പോൾ ഈ ഉയർന്ന ROS നില മരുന്നിനെ സജീവമാക്കുകയും ശക്തമായ anticancer compound ആയ “NBDHEX” പുറത്തുവിടുകയും ചെയ്യുന്നു.

NBDHEX ക്യാൻസർ കോശങ്ങൾ നിലനിൽക്കാനും ചികിത്സയെ പ്രതിരോധിക്കാനും ഉപയോഗിക്കുന്ന ചില target proteins-നെ തടയുകയാണ് ചെയ്യുന്നത്. ഇതിലൂടെ സാധാരണ കോശങ്ങളിൽ നിർജ്ജീവമായി തുടരുകയും tumor site-ൽ പ്രധാനമായും സജീവമാകുകയും ചെയ്യുന്ന targeted treatment എന്ന ആശയത്തിലേക്കാണ് ഗവേഷണം നീങ്ങുന്നത്.

Preclinical studies-ൽ aggressive triple-negative breast cancer cells-നെതിരെ RK-251 ശക്തമായ പ്രവർത്തനം പ്രകടിപ്പിച്ചു. അതേസമയം healthy cells-ൽ ഇതിന്റെ സ്വാധീനം വളരെ കുറവായിരുന്നു. ഇതാണ് പുതിയ drug candidate-ന്റെ പ്രധാന കണ്ടെത്തലുകളിലൊന്ന്.

Zebrafish embryos (Danio rerio) ഉപയോഗിച്ചുള്ള behavioral study-യിലും RK-251-നെക്കുറിച്ച് ഗവേഷകർ വിലയിരുത്തൽ നടത്തി. പഠനത്തിൽ പ്രത്യക്ഷമായ toxicity ലക്ഷണങ്ങൾ കണ്ടെത്തിയില്ല. Reactive oxygen species-ന്റെ സാന്നിധ്യത്തിൽ ആവശ്യമായ fluorescence പ്രതികരണവും കാണിച്ചു.

ഈ കണ്ടെത്തലുകൾ RK-251-നെക്കുറിച്ച് കൂടുതൽ ഗവേഷണത്തിനും validation-നും വഴിയൊരുക്കുന്നുവെന്ന് പഠനം വ്യക്തമാക്കുന്നു. എന്നാൽ മനുഷ്യരിൽ പരീക്ഷിക്കാൻ കഴിയുന്ന ഘട്ടത്തിലെത്തിയിട്ടില്ല. രോഗികളിൽ പരീക്ഷിക്കുന്നതിന് മുമ്പ് കൂടുതൽ പഠനങ്ങൾ ആവശ്യമാണ്.

RK-251 സംബന്ധിച്ച ഗവേഷണം ACS Journal of Medicinal Chemistry - ൽ പ്രസിദ്ധീകരിച്ചിട്ടുണ്ട്. ഇന്ത്യയിലെ ഗവേഷണ സ്ഥാപനങ്ങൾ ചേർന്ന് cancer cells-നെ കൂടുതൽ കൃത്യമായി ലക്ഷ്യമിടുന്ന ചികിത്സാ സാങ്കേതികവിദ്യ വികസിപ്പിക്കുന്നതിലെ ഒരു പുതിയ ചുവടുവയ്പ്പാണ് ഈ പഠനം. ഇനി മുന്നിലുള്ളത് കൂടുതൽ ഗവേഷണവും validation-ഉം തന്നെയാണ്. ഈ പുതിയ cancer-drug ഗവേഷണത്തെക്കുറിച്ചുള്ള നിങ്ങളുടെ അഭിപ്രായങ്ങൾ താഴെ കമന്റ് ബോക്സിൽ രേഖപ്പെടുത്തുക.