RBI Forex Swap: ഇന്ത്യയിലേക്ക് $73 ബില്യൺ ഒഴുകി, ഇന്ത്യയുടെ ബാങ്കിങ്ങിൽ NRI വിശ്വാസം ശക്തം

RBI Forex Swap: ഇന്ത്യയിലേക്ക് $73 ബില്യൺ ഒഴുകി, ഇന്ത്യയുടെ ബാങ്കിങ്ങിൽ NRI വിശ്വാസം ശക്തം

വിദേശത്ത് സമ്പാദിക്കുന്ന ഇന്ത്യക്കാരുടെ പണം വീണ്ടും രാജ്യത്തിന്റെ സാമ്പത്തിക കരുത്തായി മാറുകയാണ്. Reserve Bank of India (RBI)യുടെ പ്രത്യേക USD-INR Forex Swap സംവിധാനത്തിലൂടെ ഓഗസ്റ്റ് 21 വരെ ഇന്ത്യയിലേക്ക് ഏകദേശം 73 ബില്യൺ യുഎസ് ഡോളറിന്റെ വിദേശനാണയ വരവ് ലഭിച്ചതായി PIB പത്രക്കുറിപ്പിലൂടെ അറിയിച്ചു. ജൂൺ 8ന് ആരംഭിച്ച പദ്ധതിക്ക് 11 ആഴ്ച പോലും പൂർത്തിയാകുന്നതിന് മുമ്പാണ് ഈ വലിയ നേട്ടം.

ഈ ഒഴുക്കിന്റെ പ്രധാന പങ്ക് FCNR(B) നിക്ഷേപങ്ങളിൽ നിന്നാണ്. Non-Resident Indians ഉൾപ്പെടെയുള്ള വിദേശ നിക്ഷേപകർ ഈ വിഭാഗത്തിൽ 65.40 ബില്യൺ ഡോളർ എത്തിച്ചു. ഇന്ത്യയുടെ ബാങ്കിങ് സംവിധാനത്തിലും സമ്പദ്‌വ്യവസ്ഥയിലുമുള്ള പ്രവാസി ഇന്ത്യക്കാരുടെ വിശ്വാസം ആണ് ഈ കണക്കുകളിൽ വ്യക്തമാക്കുന്നത്.

പദ്ധതി എന്തിനായിരുന്നു? വിദേശനാണയ ഫണ്ടുകൾ ഇന്ത്യൻ ബാങ്കിങ് സംവിധാനത്തിലേക്ക് കൂടുതൽ ആകർഷിക്കുക എന്ന ലക്ഷ്യത്തോടെയാണ് RBI പ്രത്യേക USD-INR swap സൗകര്യം ഒരുക്കിയത്. വിദേശമലയാളികൾ ബാങ്കുകളിൽ നിക്ഷേപിക്കുന്ന ഡോളർ പോലുള്ള വിദേശപ്പണം (FCNR-B നിക്ഷേപങ്ങൾ), ബാങ്കുകൾക്ക് അനുകൂലമായ ഒരു നിശ്ചിത നിരക്കിൽ റിസർവ് ബാങ്കുമായി (RBI) ഇന്ത്യൻ രൂപയിലേക്ക് മാറ്റിവാങ്ങാൻ സഹായിച്ച ഒരു പ്രത്യേക സംവിധാനമാണിത്. ഇന്ത്യയിൽ വിദേശനാണ്യ ശേഖരം കുറയുകയും രൂപയുടെ മൂല്യം വല്ലാതെ ഇടിയുകയും ചെയ്ത 2013-ലെ സാമ്പത്തിക പ്രതിസന്ധി ഘട്ടത്തിലാണ് റിസർവ് ബാങ്ക് ഈ പദ്ധതി കൊണ്ടുവന്നത്. ഇതനുസരിച്ച് ബാങ്കുകൾ തങ്ങളുടെ പക്കലുള്ള ഡോളർ ആർബിഐക്ക് നൽകി പകരം ഇന്ത്യൻ രൂപ വാങ്ങുകയും, പിന്നീട് ഒരു നിശ്ചിത കാലാവധിക്ക് ശേഷം മുൻകൂട്ടി നിശ്ചയിച്ച കുറഞ്ഞ നിരക്കിൽ ആ ഡോളർ ആർബിഐയിൽ നിന്ന് തന്നെ തിരികെ വാങ്ങാമെന്ന് കരാർ ഉണ്ടാക്കുകയും ചെയ്യുന്നു. ബാങ്കുകൾക്ക് കുറഞ്ഞ ചിലവിൽ ഡോളർ ലഭിക്കാനും ഇന്ത്യയുടെ വിദേശനാണ്യ ശേഖരം പെട്ടെന്ന് വർദ്ധിപ്പിച്ച് രൂപയുടെ മൂല്യം നിലനിർത്താനും ഈ ഫോറെക്സ് സ്വാപ്പ് (Forex Swap) സൗകര്യം സഹായിക്കുന്നു.

ഇത്തവണത്തെ പ്രതികരണം മുൻകാലത്തെ പ്രധാന പദ്ധതിയെയും മറികടന്നു. 2013ൽ RBIയുടെ FCNR(B) swap പദ്ധതിയിലൂടെ ഏകദേശം 26 ബില്യൺ ഡോളർ സമാഹരിക്കാൻ കഴിഞ്ഞിരുന്നു. അന്ന് ഏകദേശം മൂന്ന് മാസമെടുത്താണ് ആ നേട്ടം കൈവരിച്ചത്. 2026ലെ പുതിയ സംവിധാനത്തിൽ 73 ബില്യൺ ഡോളറിനടുത്തുള്ള വരവ് 11 ആഴ്ചയ്ക്കുള്ളിൽ എത്തിയതാണ് ഇപ്പോഴത്തെ മുന്നേറ്റത്തിന്റെ വേഗത വ്യക്തമാക്കുന്നത്.

പണം ഒഴുകിയെത്തിയ വേഗത കണക്കിലെടുത്ത് FCNR(B) വിഭാഗത്തിനുള്ള പ്രത്യേക swap window നേരത്തെ അവസാനിപ്പിക്കാനും RBI തീരുമാനിച്ചു. ആദ്യം സെപ്റ്റംബർ 30 വരെ നിക്ഷേപങ്ങൾ സ്വീകരിക്കാനായിരുന്നു പദ്ധതി. പുതിയ തീരുമാനപ്രകാരം യോഗ്യമായ FCNR(B) നിക്ഷേപങ്ങൾ ഓഗസ്റ്റ് 31 വരെ മാത്രമേ സമാഹരിക്കാനാകൂ.

കേരളത്തെ സംബന്ധിച്ചിടത്തോളം ഈ വാർത്തയ്ക്ക് പ്രത്യേക പ്രസക്തിയുണ്ട്. വലിയൊരു പ്രവാസി സമൂഹം കേരളത്തിന്റെ സമ്പദ്‌വ്യവസ്ഥയുമായി നേരിട്ട് ബന്ധപ്പെട്ടു നിൽക്കുന്നു. പ്രവാസി നിക്ഷേപങ്ങൾ ബാങ്കിങ് സംവിധാനത്തിലേക്ക് കൂടുതൽ എത്തുന്നത് രാജ്യത്തിന്റെ വിദേശനാണയ ലഭ്യത ശക്തിപ്പെടുത്തുന്നതിനൊപ്പം, ഇന്ത്യയുമായുള്ള പ്രവാസി സമൂഹത്തിന്റെ സാമ്പത്തിക ബന്ധത്തിനും പുതിയ പ്രാധാന്യം നൽകുന്നു. ഇവിടെ ശ്രദ്ധിക്കേണ്ടത്, ഈ പദ്ധതി നേരിട്ട് പ്രവാസികൾക്ക് സർക്കാർ പണം നൽകുന്ന പദ്ധതിയല്ല എന്നതാണ്; ബാങ്കുകൾ വഴി വിദേശനാണയ നിക്ഷേപം സമാഹരിക്കുന്ന സാമ്പത്തിക സംവിധാനമാണിത്.

വിദേശനാണയ ശേഖരത്തിനും രാജ്യത്തിന്റെ external financial buffers-നും കൂടുതൽ കരുത്ത് നൽകുകയാണ് ഈ വലിയ mobilisation വഴി ലക്ഷ്യമിട്ടത്. ആഗോള ധനവിപണിയിൽ അനിശ്ചിതത്വം തുടരുന്ന സമയത്ത് വിദേശനാണയ ഫണ്ടുകൾ ഇത്ര വലിയ തോതിൽ ഇന്ത്യയിലേക്ക് എത്തിയത് രാജ്യത്തിന്റെ സാമ്പത്തിക സംവിധാനത്തിലേക്കുള്ള വിശ്വാസത്തിന്റെ ഒരു പ്രധാന സൂചനയായി കേന്ദ്ര ധനമന്ത്രാലയം വിലയിരുത്തുന്നു.

ഇനി ശ്രദ്ധിക്കേണ്ടത് ഈ പണത്തിന്റെ ദീർഘകാല സ്വാധീനമാണ്. FCNR(B) window ഓഗസ്റ്റ് 31ന് അവസാനിച്ചാലും സമാഹരിച്ച നിക്ഷേപങ്ങളും മറ്റ് വിദേശനാണയ ധനസ്രോതസ്സുകളും ഇന്ത്യൻ ബാങ്കിങ് സംവിധാനത്തിൽ തുടർന്നും പ്രവർത്തിക്കും. ഇന്ത്യയുടെ വിദേശനാണയ കരുത്ത് എങ്ങനെ മാറും, ബാങ്കുകൾ ഈ അധിക ഫണ്ടുകൾ എങ്ങനെ ഉപയോഗിക്കും എന്നതാകും അടുത്ത ഘട്ടത്തിൽ നിർണായകം. ഈ സാമ്പത്തിക നീക്കത്തെക്കുറിച്ചുള്ള നിങ്ങളുടെ അഭിപ്രായം താഴെയുള്ള കമന്റ് ബോക്സിൽ പങ്കുവെക്കൂ.

References:

• Press Information Bureau – RBI's USD-INR Swap Facility Sparks Unprecedented Forex Inflows into India